番茄野

一向都鐘意買定d ,茄膏係屋企，以備不時之需。點解要用茄膏？茄汁吾係一樣咩？等我解釋下…
茄汁，番茄成份其實吾知幾多，但糖同鹽就肯定好多，而且係大人小朋友都鐘意點呀點多d呀，變左食多好多糖鹽都吾知。撇開營養不談，用來煮餸又好難調啱自己想要嘅味，所以真係好少用佢煮野，茄汁嘅命運都係…被人點！
茄膏，純番茄煮成，番茄成份高吾使講，lycopene 茄紅素因為煮過關係都非常高，現時甘多人追捧茄紅素，啱晒啦！而且本身無特別調味，可以加鹽加醋乜都得。煮意大利紅醬pasta,  茄膏簡直係must! 煲西式紅湯又係加茄膏！完全可以濫用！
一般超市賣幾種茄膏：最hit嘅地捫Del Monte($9.9) , 其次S&W(其實又係Del Monte子公司)。但原來有一隻走漏眼，意大利野Alpino,話double濃度，用小小已經ok, 所以標明意大利文doppio(雙倍甘解) 飲開意大利咖啡都見慣呢個字(doppio expresso)
最緊要係doppio濃度但價錢吾係double, 賣$13.9,牙膏裝用完可以扭返埋。好過罐裝茄膏用左一半要搵個盒裝返…下次已經吾記得左嗰盒開過嘅野，掃興!

屙石油？

係真吾係？尋日為食，夜晚食左一包細薯片，之後飲左一包"喫全茶"黑茶，隔左一陣竟然…屙黑油！但又吾係瀉，係舒服地去，仲要去晒d 油出黎，好似好神奇！

之前聽Queenie Chan 講呢個茶會排毒，我飲左幾日都吾覺有動靜，點知一食肥野就有得屙啦！

黑茶係普洱味，綠茶係就係鐵觀音/香片之類嘅味。一盒有30小小嘅粉末包，盒上說明話一日飲1-2包。夏天可以用凍水沖，好飲！

萬0$139盒

食食食…食懵你呀！

H&M 又減啦！買左未呀？：p

睇雜誌講過mark & spencer 有d 低卡零食

睇下…得95calories PER BAG! 甘Q 大包？

哈哈哈…呢個係大包裝，入面有5包細架！

細包先係95kcal!

我減左20lbs 之後都無亂食野，好驚反彈呀。營養師建議每日零食150kcal。所以，有得食我已經好開心

買買買…

係，太陽底下無新事。呢d 野熟口熟面吧？

吾同在我買價錢ok, 同埋無人sponsor我，我又吾係開舖，我講真野囉。

圖一： cosmetic 維他命C 精華 30ml $430

圖二：魔女之素敵習慣按摩棒 $88 (係，我以為係老翻)

圖三：synergie home roller 0.25mm $722

三樣都用過啦…首先講Roller真係好impressive, 袁彌明小姐介紹過，不過我吾係幫襯佢。第一次用真係好鬼痕，又紅。但之後就真係"容光煥發",究竟係腫定飽滿呢？難以置信…好勁！

cosmetic 呢個牌子講真我吾識，係賣roller 間店舖介紹嘅抵玩貨色，同roller 一齊用幾好。下次我會試B3/B5,因為維他命C 話晒都係酸嘅一種，加roller 用都幾拮拮痛。

按摩棒…我初初覺得佢個樣好流，好似玩野！$88可以試下，但如果logon 賣幾百蚊真係咪搞我！用完都ok, 如果你訓完覺腫口腫面，(正確地) 碌5分鐘係會消水腫嘅。

…講甘多，恒心先係重要…拜拜